Gecə baş ağrılarının gizli düşmənləri ortaya çıxdı

“Gecə baş ağrısı apnoe, bruksizm və kəllədaxili təzyiq pozğunluğunun əlaməti ola bilər. Məsələn, obstruktiv apnoe zamanı nəfəs alma yuxuda periodik olaraq dayanır. Beyin oksigen çatışmazlığını hiss edir və nəticədə səhərlər ağırlıq və ya zonklayıcı baş ağrısı ilə oyanma baş verir. Eyni təsiri hipopnoe – çox səthi nəfəsalma da yarada bilər”, – deyə həkim bildirib.

“Kəllədaxili təzyiqin artması (kəllədaxili hipertenziya) zamanı baş ağrısı xüsusilə uzanmış vəziyyətdə – məhz gecə və ya səhər erkən saatlarda güclü olur. Oyanışdan və vertikal vəziyyətə keçidən sonra ağrı zəifləyə bilər. Bununla belə, bəzi gecə baş ağrıları heç bir patologiya ilə əlaqəli olmadan ayrıca xəstəlik ola bilər – məsələn, hipnik baş ağrısı, klaster baş ağrısı və ya miqren. Əgər gecə baş ağrıları mütəmadi olursa, terapevt, nevroloq və ya somnoloqa müraciət etmək vacibdir. Yuxu araşdırması (polisomnografiya və ya kompüterli somnografiya), oksigen səviyyəsinin analizi və kəllədaxili təzyiqin monitorinqi lazım ola bilər”, – deyə həkim əlavə edib.