Oturaq həyat tərzi ölümcül nəticələrə səbəb ola bilər – gündə cəmi 10 dəqiqə kifayətdir

Mütəxəssislər bildirirlər ki, gündə 4 saatdan artıq oturmaq insan sağlamlığı üçün ciddi təhlükə yaradır.

Uzun müddət hərəkətsiz qalmaq bel və boyun ağrılarından tutmuş daxili orqanların sıxılmasına, xroniki xəstəliklərin yaranmasına və hətta yüksək qan təzyiqinə səbəb ola bilər.

Araşdırmalar göstərir ki, oturaq həyat tərzi nəticəsində insan orqanizmi zamanla zəifləyir və bu problemlərin əlamətləri yalnız gecikmiş mərhələdə hiss olunur.

Ulusum.az xəbər verir ki, həkimlərin fikrincə - bu risklərin qarşısını almaq üçün gün ərzində cəmi 5–10 dəqiqəlik fiziki aktivlik kifayət edir.

Ev şəraitində rahatlıqla tətbiq oluna bilən idman hərəkətləri bel ağrılarının, baş ağrılarının, artıq çəkidən yaranan narahatlıqların və sellülitin qarşısını almaqda effektiv hesab olunur.

Mütəxəssislər hər kəsi passiv həyat tərzindən imtina etməyə və sağlamlıqlarına diqqət ayırmağa çağırır.

📩

Ulusum.az