Bu gün, 13:46 0 Cəmiyyət / Gündəm

Qazaxda Gənclər Narkomaniyaya Qarşı Maarifləndirilir – Sağlam Gələcək Naminə!

Qazaxda Gənclər Narkomaniyaya Qarşı Maarifləndirilir – Sağlam Gələcək Naminə!

Qazax Rayon Polis Şöbəsinin təşkilatçılığı ilə rayonun 2 nömrəli tam orta məktəbində “Narkomaniya – ümumbəşəri bəladır” mövzusunda maarifləndirici tədbir keçirilib.


Tədbirdə məktəbin şagirdləri, müəllim kollektivi və valideynlər iştirak ediblər.

Qazaxda Gənclər Narkomaniyaya Qarşı Maarifləndirilir – Sağlam Gələcək Naminə!


Görüşün əsas məqsədi gəncləri zərərli vərdişlərdən qorumaq, sağlam həyat tərzini təbliğ etmək və narkomaniyanın doğurduğu faciəli nəticələr barədə maarifləndirmək olub.

Qazax Rayon Polis Şöbəsinin rəhbərliyi bildirir ki, gənclərlə keçirilən maarifləndirici görüşlər mütəmadi olaraq davam etdiriləcək. Məqsəd, bölgə gənclərinin hüquq pozuntularından uzaq durması və sağlam gələcək qurmasına dəstək olmaqdır.



Qazax bölgə müxbiri Elnur Quliyev Ulusum.az-a xəbər verir ki, bu təşəbbüs gənclər arasında hüquqi savadlılığı artırmaqla yanaşı, onların cəmiyyətə faydalı və məsuliyyətli fərdlər kimi formalaşmasına şərait yaradır.

Rəhbərlik vurğulayır ki, bu cür görüşlər gələcəkdə məktəblər, kolleclər və digər təhsil müəssisələrində də davam etdiriləcək. Bu, eyni zamanda, polis-vətəndaş münasibətlərinin möhkəmlənməsi baxımından da mühüm addım hesab olunur.





Elnur Quliyev / Ulusum.az

Şərhlər:
İnformasiya
Guests qrupunda olanlar istifadəçilər bu xəbərə şərh əlavə edə bilməz.