Könül Dəftərim: Şamaxının yaddaşında iz buraxan bir ailə dastanı -VİDEO

Qədim Şamaxıya etdiyimiz bu səfər bizi təkcə gözəl təbiətlə deyil, həm də həyatın dərin mənası ilə qarşı-qarşıya qoydu. “Bəyin oğurlanması” filminin çəkildiyi məkanda bir zamanlar kamera qarşısına təsadüfən düşən uşaqların hekayəsi bizi illər əvvələ apardı.

Gülbar əmi və Gülgəz nənənin 50 ildən artıq davam edən ailə ocağı sevgi, zəhmət və fədakarlıqla qurulmuşdu.


Gülbar əminin Həcc ziyarəti haqda kövrələrək danışması, ömür-gün yoldaşı ilə birgə keçdiyi müqəddəs yol onun üçün həyatın zirvəsi idi.

İndi onların ailəsi genişlənib – 16 nəvə, bir nəticə.

O deyir: “Biz bu bağı əlimizlə saxlayırıq, istəyirik ki, kolluğa dönməsin.”

Səfərin ən duyğusal anı isə illər öncə filmdə görünən o uşaqlarla yenidən görüş oldu. Şəfiqə, Əntiqə və Rəşidə xanımların xatirələri bu səhnələri bir daha yaşatdı.

Şamaxı səfərimiz bizi həm tarixlə, həm də unudulmaz insan hekayələri ilə qarşılaşdırdı.

Gülbar əmi atasız böyüsə də, iradəsi və zəhməti ilə öz ailəsini möhkəm təməl üzərində qurdu.

Onun həyat yoldaşı Gülgəz nənə ilə birlikdə qurduğu ailə illərə meydan oxuyan bir sevgi və fədakarlıq nümunəsidir.

Bu ailə, çətinliklərə rəğmən təhsilə və ailə dəyərlərinə önəm verərək gənc nəsillərə örnək olub.

“Könül Dəftərim” bu səfərlə bir daha göstərdi ki, hər kəndin bir dastanı, hər ailənin bir romanı var - və bu romanlar yazıya yox, qəlblərə köçür.



Ulusm.az /K.Hətəmova