Gündüz yuxusu: Sənə enerji, yoxsa baş ağrısı gətirəcək?

Günorta yuxusu 30 dəqiqədən çox olarsa, özünüzü yorğun və başağrılı hiss edə bilərsiniz – bu barədə "Gazeta.Ru"ya Rusiya Prezident Administrasiyasının Mərkəzi Klinik Xəstəxanasının həkim-somnoloqu və endokrinoloqu Darya Lebedeva məlumat verib.

Həkimin sözlərinə görə, bunun səbəbi yuxu fazaları ilə bağlıdır. İlk 30 dəqiqədə insan yüngül yuxu (sürətli faza) mərhələsində olur. Amma 30-40 dəqiqədən sonra bədən dərin yuxu (yavaş faza) mərhələsinə keçir. Əgər bu zaman birdən oyansanız – məsələn, zənglə ya da budilniklə – bədəni istirahət etmiş deyil, əksinə yorğun, başı qarışıq və ağrılı hiss edə bilərsiniz. Bu hal "yuxu inersiyası" adlanır və gündüz yuxusunun faydasını tamamilə silə bilər.

Həkimin tövsiyəsi: Günorta yuxusu maksimum 30 dəqiqə, ideal olaraq 20 dəqiqə olmalıdır.

Ən yaxşı vaxt aralığı isə 13:00–15:00 arasındadır, çünki bu saatlarda təbii yorğunluq baş verir. Gec yatmaq isə axşam yuxu rejimini poza bilər. Yuxu üçün yarıqaranlıq otaq və ya göz maskası tövsiyə olunur.

Qısaca desək, əgər imkan varsa, gündüz yuxusundan istifadə edin – yalnız qısa olma şərti ilə. 20–30 dəqiqəlik yuxu belə stresi azaldır, diqqəti bərpa edir və əsəbləri sakitləşdirir.

Ulusum.az