Omsk neft emalı zavodu partlayışdan sonra gücünün yarısını bağlayıb

Rusiyanın ən böyük Omsk neft emalı zavodu partlayışdan sonra gücünün yarısını bağlayıb. Bu barədə Reuters yazıb.

Agentlik xəbər verir ki, partlayış nəticəsində neft emalı zavodu zədələnib və zavodda ən məhsuldar olan AVT-11 ilkin neft emalı bloku dayanıb.

Eyni zamanda, zavodun mətbuat xidməti müəssisənin “normal” rejimdə işlədiyini, avadanlıqların yanmasının isə “tamamilə lokallaşdırıldığını” rəsmən bəyan edib.

Omsk vilayətinin qubernatoru müəssisədə baş verən yanğında bir zavod işçisinin öldüyü barədə məlumat verib. Əvvəllər mərhumun adı yeddi qurbanın siyahısında idi.

Eltun Məmmədov