Kəsmikli və manqolu cheesecake - elə incə və yüngüldür ki, dadından doymaq olmur

Kəsmikli manqo cheesecake – yüngül, zərif və çox dadlı bir desertdir. Yumşaq kəsmiklə şirin manqo püresinin vəhdəti zövq oxşayır, içindəki haşhaş isə maraqlı dad qatır. Bu desert asan hazırlanır və xüsusi bacarıq tələb etmir.

Tərkibi:

Bərk kəsmik – 200 q

Yumşaq kəsmik – 120 q

Qarğıdalı nişastası – 7 q

Yumurta ağı – 15 q

Şirinləşdirici – zövqə görə

Haşhaş (mak) – 10 q

Manqo püresi – 100 q

Hazırlanma qaydası:

Bərk və yumşaq kəsmik yumurta ağı ilə qarışdırılır.

Üzərinə nişasta, şirinləşdirici və haşhaş əlavə olunaraq qarışdırılır.

Kütlə formaya tökülür və səthi hamarlanır.

150 °C-də əvvəlcədən qızdırılmış sobada 30–40 dəqiqə bişirilir.

Sobada soyuyur, daha sonra soyuducuda tam soyudulur.

Üzərinə manqo püresi əlavə edilərək bəzədilir.

Soyuq şəkildə, üstünə təzə manqo dilimləri və nanə yarpaqları ilə servis etmək tövsiyə olunur. Bu desert həm təkbaşına, həm də qəhvə ilə ləzzətlidir.



Ulusum.az