Sarıkök tərkibli qida əlavələri qaraciyərə zərər verə bilər – Xəbərdarlıq

ABŞ-lı həkim Cen Günter xəbərdarlıq edib ki, sağlam həyat tərzini seçənlər arasında populyar olan sarıkök tərkibli bioloji aktiv əlavələr ciddi qaraciyər zədələnməsinə səbəb ola bilər. Bu barədə Daily Mail məlumat yayıb.

Həkim bildirir ki, təhlükə sarıkökün özündə deyil, məhz kapsul şəklində yüksək dozada satılan əlavələrdədir. Onlar tez-tez immunitet gücləndirici və xərçəngə qarşı qoruyucu vasitə kimi təqdim olunsa da, effektivliyini sübut edən elmi əsaslar yoxdur.



O əlavə edib ki, qidada sarıkökün aktiv maddəsi olan kurkumin az miqdarda mənimsənilir və bu bədən üçün kifayətdir. Amma əlavələrdə bioeffektivlik artırıldığı üçün doza artıqlığı təhlükə yaradır.

Ulusum.az