Press hərəkəti yox, duruş və nəfəs: Qarından necə qurtulmalı?

Əgər elə düşünürsənsə ki, qarnı yalnız qaçış trenajorunda və ya durmadan press hərəkətləri ilə yox etmək olar — bu, sadəcə mifdi! Çox zaman çıxıntılı qarnın səbəbi piy yox, yanlış duruş, zəif qarın əzələləri, stres və hətta səhv nəfəs alma vərdişləri olur. Və yaxşı xəbər budur ki, bütün bunları evdə, idmansız və zal abunəliyi olmadan düzəltmək mümkündür.

💡 Fitness məşqçisi Nataliya Romanova qarnı düzləşdirmək və bədəni rahatlatmaq üçün 5 sadə, amma effektiv üsul təklif edir:

1. Duruşunu düzəlt — möcüzə effektini dərhal görəcəksən!

Əyilmiş çiyinlər və öndə olan çəki mərkəzi qarını olduğundan böyük göstərir. Divara söykənib baş, kürək və ombanı eyni anda divara dayayıb 2 dəqiqə qal — bədənin düzgün "xətti" yadda saxlayacaq.

2. Qarınla nəfəs al, çiyinlə yox

Dərin diafraqmatik nəfəs maddələr mübadiləsini və həzmi gücləndirir. Belə nəfəs alaraq daxili orqanların yerini düzəldirsən və qarın yumuşalır.

3. Omba neytralda olsun, belə “çıxıntı” yox olsun

Həddindən artıq bel əyriliyi qarını öndə göstərir. Aynanın qarşısında ombanı düz saxla və bu pozanı gündəlik həyatına daxil et.

4. Suyu düzgün iç — qarın şişməsin

Səhəri isti limonlu su ilə aç, yeməklə suyu qarışdırma, gündəlik kiçik qurtumlarla iç. Bu, həzmə və şişkinliyin azalmasına kömək edəcək.

5. Qarnına yumşaq masaj et — əllə və ya vakuum banka ilə

Körpücük sümüyündən sağ qasığa doğru dairəvi masaj limfa axını və orqanların vəziyyətini yaxşılaşdırır. Gündə cəmi 5 dəqiqə — effektə inanmayacaqsan!

Ulusum.az