Uzun müddət oturmaq yaddaşı silə bilər: Açıqlama

ABŞ-da aparılan yeni elmi araşdırma oturaq həyat tərzinin təkcə bədənə deyil, beyinə də ciddi ziyan vurduğunu ortaya çıxarıb. Vanderbilt, Pittsburgh və Seul Milli Universitetlərindən olan alimlərin ortaq tədqiqatı göstərib ki, gün ərzində uzun müddət oturmaq beyin həcmini azaldır və yaddaşın zəifləməsi ilə nəticələnə bilər.

Xüsusilə beynin yaddaşa cavabdeh hissəsi — hipokampusda daralmalar müşahidə olunub. Bu da Alzheimer kimi nevroloji xəstəliklərə yol aça bilər.

Tədqiqat çərçivəsində 50 yaşdan yuxarı 404 könüllü bir həftə ərzində izlənilib. Nəticələr göstərib ki, insan gün ərzində fiziki aktiv olsa belə, oturduğu müddət çoxdursa, beyin bu vəziyyətdən zərər görür.

Mütəxəssislər xəbərdarlıq edirlər: Xüsusilə genetik risk daşıyan şəxslər uzun müddət oturmamalı, tez-tez fasilə verib ayağa qalxmalı və hərəkət etməlidirlər. Unutmayın, sağlam beyin üçün təkcə idman deyil, həm də oturmaqdan uzaq durmaq vacibdir.

Ulusum.az