Yatmazdan Əvvəl Nə Yeyirsən? — Kabus Gələ Bilər

Gec nahar kabusa çevrilə bilər. Terapevt Yana Şmelyova bildirib ki, axşamlar adi qəlyanaltılar belə bəzən qorxulu yuxulara səbəb olur.

Həkimin sözlərinə görə, “qara siyahı”ya şirniyyatlar — peçenye, pirojnalar və kakao ilə yanaşı, karbohidratla zəngin qidalar — çörək və makaronlar daxildir. Bunlar qanda qlükozanın səviyyəsini artırır və orqanizmin təbii bioloji ritmini pozur. Bu dəyişikliklərə isə sürətli yuxu fazasında beyin xüsusilə həssas reaksiya verir.

Yatmazdan əvvəl acı yeməklər də arzuolunmazdır: bədən temperaturunu dəyişə bilər və yuxulara təsir göstərə bilər.

Əgər gecəyarısı aclıq hissi yaranırsa, Şmelyova NEWS.ru-ya müsahibəsində yüngül və təbii qidaları — aşağı kalorili yoqurt, kök və ya ovuc içi qədər qoz-fındıq tövsiyə edib. Amma çipsi və fastfud tamamilə qadağandır. Bu cür yeməklər həm həzmi pozur, həm də rahat yuxunu poza bilər.

✍️"Ulusum".az