Diyetoloq sağlam oynaqların sirrini açıqladı

Piroqov adına Rusiya Tibb Universitetinin diyetoloqu Maksim Şilov bildirib ki, oynaq sağlamlığının qorunmasında əsas amil balanslaşdırılmış qidalanma və çəkiyə nəzarətdir, sadəcə bəzi “pis” məhsulları rasiondan çıxarmaqla nəticə əldə etmək mümkün deyil.

Onun sözlərinə görə, oynaqlarla bağlı problemləri daha da ağırlaşdıran əsas səbəb artıq çəkidir – bu həm fiziki yüklənmə, həm də piy toxumasının yaratdığı iltihabi proseslərlə əlaqəlidir:

“Piylənmənin dərəcəsi artdıqca, osteoartrit kimi oynaqlarla bağlı xəstəliklərin yaranma riski də yüksəlir,” – deyə Şilov izah edib.

Mütəxəssis tövsiyə edir ki:

Sadə karbohidratlar və doymuş yağların miqdarı azaldılmalı,

Rasiona resveratrol (üzüm, qara giləmeyvə) və omega-3 yağ turşuları (balıq, çia toxumu, qoz) daxil edilməlidir,

Vitamin D səviyyəsi isə daim nəzarətdə saxlanmalıdır.

✍️"Ulusum".az