İrana bağlı qruplaşma Nigeriyanın paytaxtında terror aktı törədib

İrana bağlı qruplaşma Nigeriyanın paytaxtında terror aktı törədib.

Nigeriya polisi bildirib ki, iyulun 24-də İrana bağlı qruplaşma Abuca şəhərində iki polisi öldürüb, daha üç nəfəri yaralayıb.

Məlumata görə, terrorçular üç polis avtomobilini də yandırıblar. Bildirilib ki, terror aktı qadağan edilmiş Nigeriya İslam Hərəkatı tərəfindən polis nəzarət-buraxılış məntəqəsinə hücum zamanı baş verib.

Qeyd olunub ki, Nigeriya polisi indiyədək hücumda şübhəli bilinən bir neçə şəxsi həbs edib.

Xatırladaq ki, sözügedən qrupun fəaliyyəti 2019-cu ildən Nigeriyada qadağan edilib. Qruplaşmanın ruhani lideri İbrahim Zəkzaki və arvadı 5 il həbsdə saxlandıqdan sonra 2021-ci ildə azadlığa buraxılıblar. Onlar ötən il İrana səfər edərək ölkənin ali lideri Əli Xameneyi ilə görüşüblər.

Eltun Məmmədov