ABŞ-ın tariflərindən ən çox zərər görəcək ölkələr

Polşa Baş Naziri Donald Tusk TVN kanalında yayımlanan verilişdə bildirib ki, ABŞ Prezidenti Donald Tramp-ın 25%-lik gömrük rüsumlarından ən çox zərər çəkəcək Avropa ölkələri Macarıstan və Slovakiyadır. Onun sözlərinə görə, bu, siyasətin ironiya tərəfidir.

Tusk qeyd edib ki, Tramp deyə bilər ki, Viktor Orban onun ən yaxşı dostudur, amma biznes qərarları qəbul edərkən dostluqlar bir az daha az önəmli olur.

Baş nazir həmçinin etiraf edib ki, əgər ABŞ-da Avropa mallarına rüsum tətbiq olunarsa, Polşanın avtomobil sənayesi ciddi təzyiqə məruz qalacaq. Lakin, onun məlumatına görə, bu təzyiq ÜDM-in 0,1%-dən çox olmayacaq. Avropa Komissiyası, Tramp-ın qərarlarını kəskin şəkildə dəyişə biləcəyini nəzərə alaraq, ona təzyiq göstərmək üçün vasitələr axtaracaq. Tusk, Trump-ın Kanadaya tətbiq ediləcək tariflərlə bağlı fikirlərində dəyişiklik etdiyini və Ottavanın böyük cavab verəcəyini vəd etdiyini xatırladıb.

Səidə