“Nur” layihəsi: Azərbaycan qazı Albaniyada!

Energetika naziri Pərviz Şahbazov Albaniyanın Korça şəhərinin qazlaşdırılması üzrə “Nur” layihəsinin təqdimat mərasimində iştirak edib.



"Ulusum". az xəbər verir ki, layihə Azərbaycanın investisiyası ilə SOCAR tərəfindən həyata keçirilir və Albaniyanın qaz infrastrukturunun inkişafında ilk addımdır. Baş nazir Edi Rama layihənin Prezident İlham Əliyevin dəstəyi ilə reallaşdığını və strateji əhəmiyyət daşıdığını bildirib.

2026-cı ildən Albaniyaya illik 200 milyon kubmetr Azərbaycan qazı tədarük olunacaq. Bu, ölkənin enerji təhlükəsizliyinə və dekarbonizasiya hədəflərinə töhfə verəcək. Layihə Albaniyanın qaz qəbul edən və istehlak edən ölkəyə çevrilməsinə imkan yaradacaq.



“SOCAR Gas Albania” ofisinin fəaliyyətə başlaması müsbət qiymətləndirilib, növbəti mərhələnin sürətləndirilməsi vacib sayılıb. Bu təşəbbüs, həmçinin Albaniyanın enerji çıxış imkanlarını genişləndirəcək və ənənəvi yanacaq növlərindən asılılığını azaldacaq.



Layihə, Azərbaycan və Albaniya arasında yüksək səviyyəli münasibətlərin və enerji əməkdaşlığının mühüm nəticəsidir.