Tramp Kanada, Meksika və Çin mallarına yeni rüsumlar tətbiq edib

ABŞ Prezidenti Donald Tramp Meksika, Kanada və Çindən idxal edilən mallara yeni gömrük rüsumları tətbiq edən sərəncam imzalayıb.

"Ulusum".az xəbər verir ki, Ağ Evin məlumatına görə, Meksika və Kanada mallarına 25%, Çin mallarına isə 10% gömrük rüsumu tətbiq olunacaq. Bu qərarın əsas səbəbi kimi adıçəkilən ölkələrin ABŞ-a narkotik maddə, xüsusilə fentanil ixracının qarşısını yetərincə almaması göstərilib.

Trampın fikrincə, bu tədbirlərin əsas səbəbi həmin ölkələrin ABŞ-a narkotik maddə, xüsusilə fentanilin gətirilməsinə qarşı kifayət qədər aktiv mübarizə aparmamasıdır.

Ağ Ev nümayəndəsi Harrison Filds sosial şəbəkələrdə gömrük rüsumlarının tətbiqi ilə bağlı sənədin imzalandığını təsdiqləyib.

Trampın ticarət üzrə müşaviri Piter Navarro isə CNN-ə açıqlamasında Kanada energetika məhsullarına gömrük rüsumlarının 25% deyil, 10% olacağını bildirib.

Onun sözlərinə görə, 10%-lik rüsum Kanadanın bütün energetika sektoruna, o cümlədən neft, qaz və elektrik enerjisinə tətbiq olunacaq.

Səidə