Yorğunluqla necə vidalaşmalı?

Xroniki yorğunluq, apatiya və aşağı iş qabiliyyəti sizi narahat edirsə, səbəb təkcə yuxusuzluq və stress deyil — qida rasionunuz da mühüm rol oynayır. Bu barədə RT-yə Roskachestvo-nun Funksional Qidalanma üzrə Kompetensiya Mərkəzinin rəhbəri Maryam Davlekamova məlumat verib.

🔸 Kompleks karbohidratlara üstünlük verin!

Mütəxəssisin sözlərinə görə, qarabaşaq, yulaf, kinoa, balqabaq, şirin kartof (batat) və çuğundur təkcə enerji mənbəyi deyil, həm də əsəb sisteminin işində vacib rol oynayan mikroelementlərlə zəngindir. Bu qidalar enerjini tədricən buraxaraq uzunmüddətli tonus yaradır.

🔸 Keyfiyyətli zülal vacibdir!

Zülallar bədənin termorequlyasiyasına, əzələ tonusunun qorunmasına və immun sisteminin gücləndirilməsinə xidmət edir. Buna görə də gündəlik rasionda zülala xüsusi diqqət ayrılmalıdır.

🔸 Sağlam yağlarınızı unutmayın!

Avokado, qoz-fındıq, çia və kətan toxumları, həmçinin soyuq sıxılmış təmiz bitki yağları orqanizm üçün faydalı yağlarla zəngindir və hormonal balansın qorunmasında əvəzsizdir.

Ulusum.az