Piylənmə və sonsuzluq: Valideyn olmaq ümidi varmı?

Sadəcə arıqlamağa çalışmayın!

Piylənmə təkcə estetik problem deyil. Bu, milyonlarla insanı əhatə edən, xroniki və təkrarlanan bir xəstəlikdir. Piylənmə şəkərli diabet, ürək-damar xəstəlikləri, oynaq problemləri və bir çox digər xəstəliklərin inkişafına səbəb olur. Lakin çox az adam artıq çəkinin reproduktiv sağlamlığa necə təsir etdiyini düşünür.

Piylənmə yalnız görünüşlə bağlı deyil — o, qadın və kişi orqanizmində hormonal balansı pozaraq reproduktiv sistemə birbaşa təsir edir. Qadınlarda menstruasiya pozuntuları, yumurtalıq funksiyasının zəifləməsi (xüsusən də polikistik yumurtalıq sindromu - PKYS) və nəticədə yumurtlama problemləri baş verə bilər. Kişilərdə isə spermanın keyfiyyəti və miqdarı azalır, bu da uşaq sahibi olmaq şansını aşağı salır.

Amma çıxış yolu var!

Yaxşı xəbər odur ki, bədən çəkisinin cəmi 5-10% azalması belə hormon balansını bərpa etməyə və reproduktiv sistemi normaya salmağa kömək edir. Sağlam qidalanma, fiziki aktivlik, bəzən isə həkim nəzarətində olan tibbi və ya cərrahi müdaxilələr nəticə verə bilər.

Əgər siz və ya yaxınlarınız bu problemi yaşayırsa, sadəcə "arıqlamalıyam" deyə düşünmək əvəzinə, sağlam həyat tərzini mənimsəmək və reproduktiv sağlamlıqla bağlı mütəxəssisə müraciət etmək ən doğru addım olacaq.

Ulusum.az