Anoreksiya xəstəliyinin müalicəsi yoxdurmu?

Anoreksiya nevroza ilə mübarizə aparan Nihal Candan, cəmi 23 kiloqram çəkiyə enmiş bədəni ilə verdiyi həyat mübarizəsini uduzdu. 30 yaşlı Candanın vəfatı ilə anoreksiya xəstəliyi yenidən gündəmə gəldi.

Anoreksiya nədir?

Anoreksiyadan əziyyət çəkən şəxs, real çəki vəziyyətindən asılı olmayaraq, özünü artıq çəkili hesab edir, kilo almaqdan həddindən artıq qorxur və bu səbəbdən ya yeməkdən tamamilə imtina edir, ya da çox məhdud şəkildə qidalanır.

Anoreksiyanın dəqiq səbəbi məlum deyil, lakin onun yaranmasında bir neçə amilin rolu ola bilər:

Cəmiyyətin təzyiqi (arıqlığın ideal kimi təqdim olunması)

Ailə strukturu (həddindən artıq nəzarətçi valideynlər və s.)

Aşağı özünəinam və mükəmməllik meyli

Genetik meyillilik

Psixoloji travmalar (zorakılıq, istismar, məktəb zorbalığı və s.)

Anoreksiya xəstəliyinin müalicəsi necə aparılır?

Anoreksiya çoxşaxəli (multidissiplinar) yanaşma tələb edən ciddi bir xəstəlikdir. Erkən diaqnoz və müdaxilə həyati əhəmiyyət daşıyır.

Psixoterapiya: Ən çox istifadə olunan metodlardan biri bilişsel-davranış terapiyasıdır (CBT)

Qidalanma üzrə məsləhət: Tədricən sağlam çəki artımına nail olmaq hədəflənir

Tibbi nəzarət: Bədənin funksiyaları və mümkün ağırlaşmalar izlənilməlidir

Ailə terapiyası: Xüsusilə yeniyetmə xəstələrdə ailənin müalicə prosesinə cəlb edilməsi önəmlidir

Zərurət olduqda dərman müalicəsi: (depressiya və ya təşviş pozuntuları üçün)

Anoreksiya müalicə olunmadıqda həyati təhlükə daşıyan bir xəstəlikdir. Lakin vaxtında diaqnoz qoyulsa və doğru dəstək göstərilsə, tam sağalma mümkündür.

Ulusum.az