Metabolizmini sürətləndir: Səhər yeməyində nə yeməli?

Bu həqiqətdir — tədqiqatlar göstərir ki, səhər yeməyini əldən verməyən insanlar adətən daha sürətlə arıqlayır və bel nahiyəsində daha az yağ yığırlar. Artıq səhər yeməyi yemək vərdişi olanlara isə bu gün onun faydasını 80 səviyyəsinə qaldırmağın yollarını anlatmaq istəyirik.

Yuxudan oyanandan sonra yarım saat ərzində yeyin

Tibb doktoru Mett Tanneberg-in izahına görə, əgər səhərlər bədənə qida verməsək, metabolizm kəskin şəkildə yavaşlayır — çünki oyanmadan əvvəl səkkiz saat aclıq olmuş olur. Orqanizmin kalori yandırmağı bloklamasını istəmirsənsə, oyanandan sonra yarım saat ərzində səhər yeməyi ye.

Səhər su için

Diyetoloq İlana Mülşteyn-in sözlərinə görə, səhərlər bir stəkan su içmək həm arıqlamağa, həm də sağlamlığı qorumağa kömək edən əla vərdişdir. Birincisi, yuxudan sonra susuz qalırıq və bunu tezliklə aradan qaldırmaq lazımdır. İkincisi, tədqiqatlar göstərir ki, yeməkdən əvvəl su içmək adətən daha az yeməyə kömək edir, çünki çox vaxt susuzluğu aclıqla qarışdırırıq.

Zülal əlavə et...

Səhər yeməyində kruassan yeməyi sevirsən? Elə sevirsən, elə də ye! Yeganə şərt: qan şəkərinin qəfil yüksəlməsinin qarşısını almaq üçün əvvəlcə zülallı qidalar — məsələn, yumurta, yunan qatığı, losos sendviçi və ya lobya salatı yeməlisən.

... və karbohidrat da əlavə et

Biz kruassan məsələsini zarafat etməmişdik — səhər karbohidratlar çox önəmlidir. Diyetoloq Culi Miller Consun izahına görə, əgər bədən karbohidrat almasa, zülalları sərf edir və onların əzələ gücünü və sağlamlığını qorumaq kimi başqa funksiyaları üçün istifadəsi azalır. Əlbəttə, daha yaxşı olar ki, çörək əvəzinə yulaf əzməsi yesən, o da liflə zəngindir və uzun müddət toxluq təmin edir. Amma əgər bunu edə bilmirsənsə, günahlandırmırıq — səhər saatları hər zaman asan olmur!

Qəhvə iç

2021-ci ildə aparılmış və Journal of the International Society of Sports Nutrition jurnalında yayımlanmış araşdırmaya görə, səhər və ya axşam məşqdən 30 dəqiqə əvvəl içilən bir fincan güclü qəhvə, plasebo qəbul edənlərlə müqayisədə bədəndə yağ oksidləşməsinin sürətini əhəmiyyətli dərəcədə artırır.

Qəhvə sevmirsənsə

Sənə yaşıl çay kömək edəcək — katexin adlanan güclü flavonoidlər məşq zamanı qarın yağını daha çox yandırmağa kömək edir, ona görə də oolong çayı espresso üçün əla alternativdir.

Ulusum.az