Yuxusuzluq beyni vaxtından əvvəl qocaldır

Alimlər yuxunun keyfiyyətsiz və ya natamam olmasının beyin fəaliyyətinə necə təsir etdiyini öyrəniblər. Aparılan tədqiqatlar göstərir ki, yetərsiz və nizamsız yuxu beynin vaxtından əvvəl qocalmasına səbəb ola bilər.

Mütəxəssislərin sözlərinə görə, yuxu zamanı beyin hüceyrələri bərpa olunur, sinir əlaqələri möhkəmlənir və yaddaş güclənir. Lakin uzunmüddətli yuxusuzluq və ya gec-gec yuxuya getmək bu prosesləri pozur, nəticədə beyində degenerativ dəyişikliklər başlayır.

Tədqiqat zamanı müəyyən olunub ki, yuxusuzluq keçirən insanlarda yaddaş itkisi, diqqət pozuntusu və emosional qeyri-sabitlik daha tez müşahidə olunur. Həmçinin, beyində erkən yaşlanma əlamətləri — o cümlədən sinir hüceyrələrinin funksiyasının zəifləməsi — daha erkən baş verir.

Alimlər beyin sağlamlığını qorumaq üçün müntəzəm və keyfiyyətli yuxunun vacib olduğunu vurğulayır və hər gün 7-8 saat yuxunun optimal hesab edildiyini bildirirlər.

Ulusum.az