Səhv qəhvə vərdişləri və onları necə düzəltmək olar

Qəhvə dünyanın ən məşhur içkilərindən biridir. Lakin onun orqanizmə təsiri bir çox amillərdən asılıdır. Mütəxəssislər qəhvəni daha faydalı hala gətirməyin yollarını bölüşür:

1. Keyfiyyətli dənələr seçin

Dietoloqlar arabika növünü məsləhət görürlər – bu növdə kofein daha az, antioksidantlar isə daha çox olur.
Kimyaçılar isə diqqəti qovurma dərəcəsinə yönəldir: açıq qovrulmuş qəhvə ürək üçün faydalı xlorogen turşusunu daha yaxşı saxlayır.

2. Qəhvə üçün ideal vaxt

Səhər oyanan kimi qəhvə içmək düzgün deyil. Alimlər sübut ediblər ki, kortizol (oyanıqlıq hormonu) yuxudan bir saat sonra maksimum səviyyəyə çatır. Məhz o zaman qəhvə daha faydalı və böyrəküstü vəzlər üçün stresssiz olur.

3. Faydalı əlavələr

Darçın – qəhvənin şəkər təsirini azaldır

Kakao – antioksidant təsiri gücləndirir



Hil (kardamon) – kofeinin təsirini yumşaldır

Hindqozu yağı – yağda həll olan vitaminlərin mənimsənilməsini artırır

4. Zərərli qarışıqlar

Kimyaçılar xəbərdarlıq edir:

Qəhvə + süd – bəzi insanlarda həzmsizlik yarada bilər, çünki bu qarışıq çətin parçalanan birləşmələr əmələ gətirə bilər.
Qəhvə + şəkər – qan şəkərində ani sıçrayışlara səbəb ola bilər.

5. Alternativ dəmləmə üsulları

Cold brew (soyuq dəmləmə) – turşuluğu 67% az olur, bu isə mədə üçün daha təhlükəsizdir

Frens-press – faydalı yağları saxlayır

Kağız filtrlər – zərərli diterpenləri tutur, amma eyni zamanda bəzi faydalı maddələri də süzə bilər

Məsləhət: Gündə 2-3 fincan, saat 14:00-a qədər içmək təhlükəsiz sayılır. Hipertoniya və mədə-bağırsaq problemləri olanlara isə dekofeinləşdirilmiş qəhvə və ya çikoriy tövsiyə olunur.

✍️"Ulusum".az