Qocalmanı ləngidən yeganə vərdiş açıqlandı

Amerikalı kardioloq Erik Topolın fikrincə, qocalma prosesini sübut olunmuş yeganə şəkildə ləngitmək mümkündür – bu da müntəzəm fiziki fəaliyyətdir. Elmi araşdırmalara əsaslanan həkim bildirir ki, idmanla məşğul olmaq “bioloji saatı” geri çəkir və orqanizmin cavan qalmasını təmin edir.

Topolın sözlərinə görə, həftədə ən azı 5 dəfə, gündə 30 dəqiqə idmanla məşğul olmaqla insan yalnız yağları əridib əzələ kütləsini artırmır, həm də bütün orqanizmdə yenilənmə baş verir.

Eyni mövzuya Nobel mükafatı laureatı, kimyaçı Venkatraman Ramakrişnan da toxunaraq bildirib ki, balanslı qidalanma, keyfiyyətli yuxu və fiziki aktivlik istənilən dərmandan və bioloji əlavədən daha effektlidir. Onun sözlərinə görə, meyvə-tərəvəzlə zəngin və sağlam yağları ehtiva edən rasion hüceyrə səviyyəsində qocalmanı ləngidir, emal olunmuş qidalar isə əksinə, bu prosesi sürətləndirir.

✍️"Ulusum".az