NatMicro: bağırsaqda B. vulgatus bakteriyalarının sayının artması şirniyyata olan meyli azaldır

Çinli tədqiqatçılar, Bacteroides vulgatus bakteriyasının bağırsaqda koloniya qurmasının, orqanizmin şəkərə qarşı daha təsirli reaksiya verməsini təmin etdiyini və bunun nəticəsində qan şəkərinin səviyyəsinin daha sabit olduğunu qeyd ediblər. Araşdırmanın nəticələri Nature Microbiology (NatMicro) jurnalında dərc edilib.

Bu, şəkər istehlakının azaldılması ilə bağlı tədqiqatlarda mühüm irəliləyişdir, çünki şəkərin yüksək istehlakı metabolik xəstəliklərə, xüsusilə də insulin müqavimətinə və tip 2 diabetə yol aça bilər.

Araşdırmalar göstərib ki, bu bakteriya orqanizmdə şirin qidalara qarşı tələbatı azaldaraq, həmçinin qidalanma ilə bağlı daha sağlam davranışların inkişafına kömək edir. Nəticələr, mikrobiyota ilə əlaqəli müalicələrin metabolik xəstəliklərin qarşısını almaq və müalicə etmək üçün potensial bir yol ola biləcəyini göstərir.

Səidə Mustafa