Qışa hazırlıq: Bilənlər bilir…

Payızın sərin nəfəsi hiss olunmağa başlayanda mətbəxlərdə qış tədarükü üçün işlər də canlanır. Kimimiz illərdir eyni reseptlə yoluna davam edir, kimimiz isə hər mövsüm yeni dadlar axtarışındayıq. Bəlkə də elə indi oxuduğunuz bu resept sizin üçün yeni bir başlanğıc olacaq. Biz, Ulusum.az olaraq, sizlərlə sınanmış və sevilən reseptlərimizi bölüşməkdən məmnunuq. Daha da maraqlısı – bəlkə sizin öz sirli reseptiniz var və onu bizimlə paylaşmaq istəyirsiniz?

Əgər belədirsə, əməkdaşlıq və ya resept paylaşmaq üçün info@ulusum.az e-poçt ünvanımıza yazmağınız kifayətdir. Kim bilir, bəlkə növbəti paylaşımımız sizin adınızla yayımlanacaq!

İndi isə keçək bu dəfəki reseptə – Acı Bibər Turşusu. Qış süfrəsinin əvəzedilməz qəlyanaltısı!

Acı Bibər Turşusu Resepti

İnqrediyentlər:

- 1 kq acı bibər
- 5-6 diş sarımsaq
- 2 x.q iri duz
- 1 ç.q şəkər tozu
- 1 litr su
- 150 ml üzüm və ya alma sirkəsi
- 1-2 ədəd dəfnə yarpağı
- İstəyə görə bir neçə qara istiot dənəsi



Hazırlanması:

1. Bibərləri yaxşıca yuyun, ucundan kiçik deşik açın ki, məhlul içinə keçsin.
2. Bankaların dibinə sarımsaq, dəfnə yarpağı və istiot əlavə edin.
3. Bibərləri sıx şəkildə bankalara yığın.
4. Su, duz və şəkəri birlikdə qaynadın, sonda sirkəni əlavə edin.
5. Qaynar məhlulu bankalara tökün, möhkəm bağlayın, baş-üstə çevirin və isti örtükdə soyudun.

Sizin də maraqlı bir reseptiniz varsa, paylaşın – birlikdə qışa daha ləzzətli girək!



Ulusum.az