Qlüten: miflər və həqiqətlər

Bu gün «qlüten» sözü bir çoxları üçün “dəhşət” anlayışına çevrilib: onu artıq çəkiyə, yorğunluğa, miqrenə və dəri problemlərinə səbəb olmaqda günahlandırırlar. Amma həkimlər bildirirlər ki, əslində qlüten insanların böyük əksəriyyəti üçün təhlükəsizdir. O, bədənə enerji, vitamin və lif verən məhsullarda olur.

Nutrisioloq Elina Koroleva qlütenlə bağlı ən məşhur mifləri açıqlayıb.

❌ Mif 1: Qlüten hamı üçün zərərlidir

✅ Əslində sübut olunmuş zərər yalnız çölyak xəstəliyi olan insanlarda var (təxminən 1 %). Digər insanlarda qlüten nə bağırsağı zədələyir, nə də iltihaba səbəb olur.

❌ Mif 2: Qlüten arıqlamağa mane olur

✅ Artıq çəki qlütenlə yox, yüksək kalorili qidalarla (ağ çörək, bulkalar, şirniyyat) bağlıdır. Tam buğda məhsulları isə, əksinə, iştahı nəzarətdə saxlamağa və mikrofloranı qorumağa kömək edir.

❌ Mif 3: Qlütiensiz pəhriz daha faydalıdır

✅ Sağlam insanda qlüteni tam kəsmək B qrupu vitaminlərinin, dəmirin və lifin çatışmazlığına səbəb ola bilər.

❌ Mif 4: Qlüten hamıda yorğunluq və baş ağrısı yaradır

✅ Belə əlamətlər yalnız çölyakiyada rast gəlinir. Başqa hallarda səbəbi başqa yerlərdə axtarmaq lazımdır.

❌ Mif 5: Qlüteni kəssən, dəridə problem olmayacaq

✅ Dəri problemlərinin qlütenlə əlaqəsi yalnız çox nadir xəstəliklərdə sübut olunub. Çox adamda sızanaq və allergiya başqa səbəblərlə bağlıdır.

🟢 Nəticə

Qlüten “ümumi düşmən” deyil. Tibbi göstəriş olmadan ondan tam imtina etmək bəzən zərərli ola bilər. Qlütiensiz pəhrizə keçmək qərarını yalnız həkimlə məsləhətləşərək vermək lazımdır.

Ulusum.az