Pişiyin burnundan öpmək təhlükəli imiş

Pişik sahiblərinə ev heyvanlarını burnundan öpmək tövsiyə olunmur. Pravda.Ru-nun yazdığına görə, bu, Bartonella henselae adlı bakteriya ilə yoluxma riski daşıyır. Bu mikroorqanizmlər heyvanın burun səthində ola bilər və öpüş zamanı insan orqanizminə keçə bilər.

Əgər öpən şəxsin ağız və ya burun boşluğunda xırda çatlar, yaralar varsa, infeksiya daha asanlıqla yoluxa bilər. Bundan əlavə, pişiklərin üz nahiyəsində, o cümlədən burnunda virus və göbələklər də ola bilər ki, bunlar yaxın təmas zamanı insana keçə bilər.

Bundan da önəmlisi, pişiyin burnunu öpmək onu qorxuda bilər və nəticədə heyvan müdafiə instinkti ilə sahibini cırmaqlaya və ya dişləyə bilər. Bu həm heyvanda stress yaradır, həm də insan üçün əlavə risklər doğurur. Baytarlar pişiyə sevgi göstərməyin daha təhlükəsiz yolunu — sığallamaq və ya diqqətlə qaşımaq kimi davranışları tövsiyə edirlər.

Baytar həkim Nataliya Rasteqayeva daha əvvəl də isti havalarda heyvanlara sərinləşdirici ləzzətlər təqdim etməyi və su qablarının tez-tez dəyişdirilməsinin vacibliyini qeyd etmişdi.

Ulusum.az