Kişi və qadınların ürək hüceyrələrində fərqliliklər tapılıb

Alimləri kişilər və qadınların ürəklərinin qan dövranını təmin etmək üçün enerjini fərqli şəkildə yaratdığını müəyyən ediblər. Qadınlar ATP (adenozin trifosfat) yaratmaq üçün daha çox yağ turşularından istifadə edirlər. Bu tədqiqatın nəticələri Circulation jurnalında dərc edilib.

Ürək xəstəlikləri hələ də kişilər və qadınlar arasında ölümün əsas səbəbidir, lakin onlar cinsə görə fərqli şəkildə özünü göstərir. Bu fərqlilikləri araşdırmaq üçün alimlər Genotype-Tissue Expression Project layihəsindən əldə edilən məlumatlardan istifadə ediblər. Bu layihə ürək toxumasının, o cümlədən kardiomiyotların gen ekspressiyası və metabolomikası barədə məlumatları əhatə edir.

Sağlam ürək toxumasına daxil olmaq çətin olduğundan, tədqiqatçılar artıq mövcud olan məlumatları, daha əvvəl cinsə görə fərqliliklər baxımından araşdırılmamış şəkildə təhlil ediblər.

Əsas kəşf qadın kardiomiyotlarında yağ turşularının oksidləşməsi (FAO) yolunun daha aktiv olması ilə bağlıdır — bu, ürəyə ATP şəklində enerji təmin edən əsas metabolik yoldur. Araşdırmalar göstərib ki, qadın kardiomiyotlarında bu prosesdə iştirak edən genlər daha çox ifadə olunur və qadın ürəkləri daha çox sərbəst yağ turşularını enerji istehsalı üçün istifadə edir.

Alimlər hesab edirlər ki, bu fərqliliklər ürək xəstəliklərinin müşahidə olunan əlamətlərinə və inkişafına təsir göstərə bilər, lakin yekun nəticələrə gəlmək üçün əlavə araşdırmalar aparılmalıdır.

Səidə