Fərizə — Vəfanın, Sevginin, Qəhrəmanlığın adı - VİDEO

Bəzən tarix təkcə qəhrəmanlıqla deyil, sevgi ilə də yazılır. Ancaq bu sevgi nağıl kimi bitmir — qanla, göz yaşla möhürlənir.
Fərizə Çoban qızı Allahverdiyevanın hekayəsi də elə belədir.

1962-ci ilin 11 avqust günü dünyaya gələn Fərizə, sadə, sevgi dolu bir ömür arzulayırdı. Arzusu elə də böyük deyildi — sevdiyi insanla yan-yana yaşamaq, ailəsini qurmaq, övlad böyütmək... Amma taleyin qara səhifəsi onu 1990-cı ilin 20 Yanvar gecəsinə gətirib çıxardı.

O gecə həyat yoldaşı İlham Allahverdiyev Bakıda sovet gülləsinin qurbanı oldu. İlhamın ölüm xəbərini eşidən Fərizə, sevgisiz bir sabahı yaşamağı özünə yaraşdırmadı. Həyatını İlhamın ardınca buraxaraq əbədi yolçuluğa çıxdı.

Bu gün Şəhidlər Xiyabanında onların məzarları yan-yana uzanır. Sanki ölüm belə bu sevgini ayıra bilmədi.

Fərizə bizim yaddaşımızda təkcə şəhid xanım kimi deyil, həm də vəfanın, sədaqətin, fədakarlığın simvolu kimi yaşayır. Onun adı, sevgisi və seçimi Azərbaycan tarixində əbədi qaldı.

Unutmadıq, unutmayacağıq!



Ulusum.az