Bağırsaq xərçəngindən necə qorunaq?

Bağırsaq xərçəngi son illərdə çox yayılmış xəstəliklərdən biridir, amma düzgün qidalanma ilə onun riskini azalda bilərik. Bağırsaq sağlamlığını qorumaq üçün ən önəmli addımlardan biri, liflə zəngin qidalar qəbul etməkdir. Lif həzm sistemini yaxşılaşdırır, bağırsağın təmizlənməsinə kömək edir və zərərli maddələrin orqanizmdə uzun müddət qalmamasını təmin edir.

Bağırsaq xərçəngindən qoruyan əsas qidalar:

Təbii liflə zəngin tərəvəz və meyvələr: Brokoli, kələm, ispanaq, yerkökü, alma, armud və giləmeyvələr.

Tam taxıllar: Qəhvəyi düyü, yulaf, arpa, çovdar kimi təbii taxıllar bağırsaq fəaliyyətini tənzimləyir.

Probiyotiklər: Yoğurt, kefir kimi təbii probiyotik mənbələri bağırsaq florasını balanslaşdırır, immuniteti gücləndirir.

Qoz-fındıq və toxumlar: Qara kətan toxumu, günəbaxan toxumu və badam da bağırsaq sağlamlığı üçün faydalıdır.

Bitki mənşəli yağlar: Zeytun yağı kimi soyuq sıxılmış yağlar iltihab əleyhinə təsir göstərir.

Eyni zamanda, şəkərli, yağlı və işlənmiş qidalardan uzaq durmaq, siqaret və spirt istifadəsini azaltmaq da xərçəng riskini azaldır.

Unutma ki, sağlam həyat tərzi və düzgün qidalanma ilə bağırsaq xərçənginin qarşısını almaq mümkündür.

Ulusum.az