Uzun müddət qəbul edilən B6 vitamini sinir toxumasıni zədələyə bilər

Uzun müddət yüksək dozada qəbul edilən B6 vitamini sağlamlıq üçün zərərli təsir göstərə bilər. Araşdırmalara görə, bu vitaminin normadan artıq miqdarda istifadəsi sinir toxumalarına mənfi təsir göstərərək zədələnmələrə səbəb ola bilər. Bu vəziyyət sinir sistemində müxtəlif problemlərlə nəticələnə bilər, məsələn, ətraflarda uyuşma, yanma hissi və ya zəiflik kimi əlamətlər ortaya çıxa bilər.

B6 vitamini bədən üçün vacib olsa da, həddindən artıq istifadədən çəkinmək lazımdır. Mütəxəssislər tövsiyə edir ki, vitamin əlavələrini qəbul etməzdən əvvəl mütləq həkim məsləhəti alınsın və gündəlik qəbul miqdarı aşılmasın. Sinir sistemi ilə bağlı riskləri azaltmaq üçün balanslı qidalanmaya üstünlük vermək daha faydalıdır.

Səidə Mustafa