Uşaqlıqda sevgi çatışmazlığı tez-tez aşiq olmağa səbəb ola bilər

Güclü vurğunluq hissi uşaqlıqda sevgi çatışmazlığı ilə bağlı ola bilər — bunu RIAМО-ya açıqlamasında praktik psixoloq Kristina Holotvina bildirib. Onun sözlərinə görə, bu hal həmçinin tək qalmaq qorxusu, partnyoru ideallaşdırmaq və emosional asılılıqla da əlaqəli ola bilər.

Mütəxəssis izah edib ki, əgər uşaqkən insan şərtsiz sevgi hissindən məhrum olubsa, böyüyəndə öz dəyərini romantik münasibətlərdə təsdiqləməyə çalışa bilər. Tək qalmaq istəməmək də tez-tez vurulmağa səbəb ola bilər. Belə insanlar partnyoru reallıqdan uzaq bir ideal kimi görməyə meyillidirlər.

Əgər insanın əhval-ruhiyyəsi və özünə dəyər hissi yalnız münasibətdən asılıdırsa, sevgi artıq sağlam hiss deyil, məcburi bir ehtiyaca çevrilir, — deyə Holotvina vurğulayıb. Bu vəziyyətdən çıxmaq üçün özünə vaxt vermək, vurğunluqla sevgini ayırd etmək və tək qalmağı öyrənmək vacibdir.

Ulusum.az