Husilər Təl-Əvivə raket hücumuna görə məsuliyyəti öz üzərinə götürüb

Husilər Təl-Əvivə raket hücumuna görə məsuliyyəti öz üzərinə götürüb.

Üsyançılar Təl-Əvivin Yaffa bölgəsindəki hərbi obyektə hipersonik ballistik raketlə hücum etdiklərini bildiriblər.

Qrupun mətbuat xidmətinin rəhbərinin müavini Nəsrəddin Amerin sözlərinə görə, raket 2 min 40 km məsafəni 11,5 dəqiqəyə qət edib. Husilərin sözçüsü Yəhya Saria öz növbəsində raketin İsrail və Amerikanın hava hücumundan müdafiə sistemlərinə nüfuz edə bildiyini vurğulayıb.

Sentyabrın 15-də səhər saatlarında İsrail ordusu Yəməndən atılan “yer-yer” tipli raketin İsrailin mərkəzinə düşdüyünü bildirib.

Eltun Məmmədov