Qarpızın bu hissəsini yeməyin!

Əsasən, sudan ibarət olan qarpız orqanizmin maye ehtiyacını ödəməklə ona böyük fayda verir.

Bununla belə, mütəxəssislər qarpızın istehlakı ilə bağlı ciddi xəbərdarlıq edir.

Qarşıdan isti yay ayları gəlir. Şübhə yox ki, bu fəsli qarpızsız təsəvvür etmək olmaz. Çünki havalar isti keçdiyindən qarpız bədənin maye ehtiyacını ödəməkdə çox əhəmiyyətlidir.

Ulusum.az xəbər verir ki, qarpız demək olar ki, tamamilə sudan ibarətdir və bu xüsusiyyəti ilə bədənin suya olan tələbatını ödəmiş olur.

Üstəlik, o, tərkibindəki vitamin və minerallarla orqanizmə çoxsaylı faydası var.

Tərkibində C vitamini, A vitamini, likopen və kalium kimi vacib qidalar var.

Bu sayədə immunitet sistemini gücləndirir, göz sağlamlığını qoruyur, dəri sağlamlığını dəstəkləyir və əzələ işini tənzimləyir.

Bununla belə, qarpız istehlak edərkən nəzərə alınmalı vacib bir məqam var:

Qarpız istehlak edərkən 5 qaydaya diqqət yetirin!

1. Əgər qəlyanaltıya üstünlük verirsinizsə, yeməkdən ən tez 2 saat sonra qarpız yeyin. Bu, həm qan şəkərinin səviyyəsini tarazlaşdırır, həm də həzm sisteminə həddindən artıq yüklənmənin qarşısını alır.
2. Yeməklə bərabər qəbul edəcəksinizsə, o zaman çörəyin miqdarını azaldın.

Buna səbəb, hər iki qida karbohidrat qrupunda olduğu üçün onları eyni yeməkdə istehlak etmək yeməyin karbohidrat yükünü artırır və bu da çəki nəzarətini çətinləşdirir.

3. Qarpız yetişdikcə orta hissələrində xarab olma və çürümə başlayır. Kəsərkən pis qoxu və ya turş dad hiss edirsinizsə, heç vaxt yeməyin.

4. Tərkibindəki su çox, turşusu az olduğu üçün tez xarab olan meyvədir. Buna görə də kəsdikdən sonra soyuducuda 3 gündən çox saxlamayın.

5. Qarpızın tumları həzm oluna bilmədiyi üçün çox istehlak etməmək daha yaxşıdır, tumlarının qabıqlarını çıxarıb yeyə bilərsiniz.

Göründüyü kimi, bütün qidalar faydalıdır. Amma onların faydasından yararlanmaq üçün düzgün yemək qaydalarına ciddi əməl edilməlidir. Əks halda, faydasından məhrum olmaqla qalmayıb, sağlamlığımıza mənfi təsir də göstərə bilər...

Aymirə Ağamirova