Cəlilabad rayonunda iri buynuzlu heyvanda quduzluq aşkarlanıb

Xəzər Xəbərin məlumatına görə, Uzuntəpə kənd sakini Mircəlal Hüseynova məxsus tövlədə yoluxmuş inək insanlara hücum edib.

Hadisədən sonra sahibkar baytara müraciət edib. Heyvan dərhal təcrid olunub və qısa müddət sonra tələf olub.

İnəklə təmasda olan ailə üzvləri Cəlilabad Mərkəzi Rayon Xəstəxanasında tibbi müayinədən keçib və onlara quduzluğa qarşı vaksin vurulub.

Qida Təhlükəsizliyi Agentliyindən bildirilib ki, regional bölmənin əməkdaşları ərazidə baxış keçirib və lazım olan laborator müayinələr aparıblar. Nəticələrə əsasən yoluxmanın dəqiq səbəbləri müəyyən ediləcək.

Ulusum.az