İranın xarici işlər naziri Araqçi Rusiyanın paytaxtına gəlib

İranın xarici işlər naziri Abbas Araqçi rəsmi səfərlə Rusiyanın paytaxtına gəlib.

“Ulusum”.az xəbər verir ki, bu barədə İranlı diplomat özünün “Telegram” kanalında məlumat verib.

“Bu səfər ilk növbədə Ali Liderin Rusiya Prezidentinə ünvanladığı yazılı məktubun təqdim olunması məqsədilə təşkil olunmuşdu. Eyni zamanda, bu səfərin son hadisələrlə və baş tutan dolayı danışıqlarla üst-üstə düşməsi onu daha da əhəmiyyətli edir,” – deyə açıqlamada bildirilir.

İranlı diplomat vurğulayıb ki, Tehran həmişə nüvə məsələsində Moskva ilə sıx məsləhətləşmələr aparıb və hazırkı səfər də önəmli hadisələrin müzakirəsi üçün əlavə imkan yaradır.

“Biz həmişə nüvə proqramı ilə bağlı rus dostlarımızla yaxın məsləhətləşmələr aparmışıq. Hazırda bu dialoqu yüksək səviyyədə davam etdirmək üçün münasib zamandır,” – deyə o qeyd edib.

Qeyd olunur ki, Araqçi Rusiya xarici işlər naziri Sergey Lavrovla görüşəcək. Tərəflər ikitərəfli münasibətlər, regional əməkdaşlıq və beynəlxalq platformalardakı qarşılıqlı fəaliyyət məsələlərini müzakirə edəcəklər.