Çin XİN: Müharibə İran problemini həll etməyəcək!

Çinin xarici işlər naziri Van İ bəyan edib ki, İranın nüvə proqramı ətrafındakı məsələlər müharibə ilə həll edilə bilməz, və ABŞ-ın İrandakı nüvə obyektlərinə mümkün zərbələri bütün dünyanı bürüyə biləcək qlobal nüvə fəlakətinə yol aça bilər.

Bu barədə o, Fransanın xarici işlər naziri Jan-Noel Barro ilə Parisdə keçirdiyi birgə mətbuat konfransında danışıb.

“ABŞ-ın suveren bir dövlətin – İranın – nüvə obyektlərinə düşüncəsiz bombardmanları bütün bəşəriyyət üçün ağır nəticələrə səbəb ola bilər,” – deyə Van İ bildirib.

Nazir vurğulayıb ki, müharibə İran problemini həll etmir, və Çin tərəfi İranın sülhsevər niyyətlərinə inandığını, həmçinin Tehranın nüvə enerjisindən dinc məqsədlərlə istifadəsinə maneələrin yolverilməz olduğunu düşünür.

“Həqiqi sülh zorakılıqla əldə olunmur. Gücdən istifadə yalnız Pandoranın qutusunu aça bilər,” – deyə Van İ əlavə edib.

Ulusum.az