“Buraxaq uşaqlarımız bir az üşüsün” – Hakan Dikmendən ibrətamiz yazı

My Webpage

Qlobal Baxış portalının təsisçisi müasir gənclik, valideynlik və uşaqlıq dəyərləri haqqında danışır

Buraxaq uşaqlarımız bir az üşüsün…

Hakan Dikmen yazısında əvvəlcə dəyişən mühiti təsvir edir:

Uşaqlığının keçdiyi küçələrin, insanların, sözlərin və davranışların artıq ona tamamilə yad gəldiyini deyir. Gəncləri anlamamaqdan çox, onları tanıya bilməməyin acısını yaşadığını vurğulayır.

Müəllifə görə, vaxtilə salçalı çörəyə möhtac olmağın, cibdə bilyə gəzdirməyin, gizli sevdaların, müəllim qorxusu ilə tapşırıq yazmağın və dostunu qorumağın bir dəyəri vardı. O günlərin çətinliyi belə insan yetişdirirdi.

Bu gün isə gənclərin çoxu o yaşantıların mində birini belə keçirmədən böyüyür.

Hazıra öyrəşmiş uşaq paylaşmağı haradan və necə öyrənsin?

Dikmen yazıda valideynlərin məsuliyyətinə xüsusi vurğu edir. Mətndə diqqət çəkən ən güclü mesajlardan biri budur:

“Günahın böyüyü bizimdir. Hansımız buraxdıq ki, uşağımız bir az üşüsün? Bir az darıxsın? Bir az yoxluğu hiss etsin?”

O bildirir ki, hər şey hazır verilən, hər istəyi anında təmin edilən uşaqlarda nə paylaşmaq hissi formalaşır, nə mərhəmət duyğusu, nə də zəhmətin dəyəri.

Steril böyüyən, real çətinliklərlə üzləşməyən uşaqlar həyatın əsas dərslərindən kənarda qalırlar.

“Qoy bir az kirlənsinlər – amma ürəkləri kirlənməsin”

Hakan Dikmen hesab edir ki, uşaqları bir qədər sərbəst buraxmaq lazımdır:

Bir az üşüsünlər,

Bir az xəstələnsinlər,

Bir az çirklənsinlər,

Bir az acı çəksinlər…

Çünki bütün bunlar onları həyata hazırlayır.
Müəllifin sözlərinə görə, uşaqlar incitmədən aşiq olmağı, ürək qırmadan sevməyi, dostunun çiyninə əl qoyub “bizə gedək” deməyi, palçıqdan qala qurmağı və həyatın rənglərini hiss etməyi öyrənməlidir.

Telefonların bağlanması, kitabların açılması, musiqinin dinlənməsi və insan ruhunu bəsləyən dəyərlərin yenidən uşaqlara ötürülməsi müəllifin xüsusi vurğuladığı məqamlardandır.

“Buraxaq uşaqlarımız bir az üşüsün… bir az kirlənsin… başqa cür kirlənmədən.”

Müəllif: Uzman Jurnalist / Yazar Hakan Dikmen
Mənbə: Qlobal Baxış
Hazırladı: Ulusum.az / R.Daşdəmirova

My Webpage