BDU - “AZLİNQ 2025” Beynəlxalq Elmi Konfransın

BDU-nun rektoru və dilçi alimləri “AZLİNQ 2025” Beynəlxalq Elmi Konfransında iştirak ediblər

Bakı Dövlət Universitetinin (BDU) rektoru Elçin Babayev, Filologiya fakültəsinin dilçi alim və tələbələri Neftçala rayon Heydər Əliyev Mərkəzində keçirilən “AZLİNQ 2025: Azərbaycan dili və müasir dilçilik – problemlər, perspektivlər və çağırışlar” adlı Beynəlxalq elmi konfransda iştirak ediblər.



Heydər Əliyev Fondunun dəstəyi, “Regional İnkişaf” İctimai Birliyi və Neftçala rayon Heydər Əliyev Mərkəzinin təşkilatçılığı ilə baş tutan, “Konstitusiya və Suverenlik İli”nə həsr olunan bu tədbir müasir dilçilik elminin inkişafı fonunda Azərbaycan dilinin qorunması və inkişafı məsələlərinin müzakirəsi baxımından mühüm əhəmiyyət daşıyır.



Ulusum.az xəbər verir ki, konfransın açılış mərasimində Neftçala rayon Heydər Əliyev Mərkəzinin direktoru Könül Məmmədova, Neftçala Rayon İcra Hakimiyyətinin başçısı Mirhəsən Seyidov, “Regional İnkişaf” İctimai Birliyinin nümayəndəsi Gülbağda Leysanova, BDU rektoru Elçin Babayev, AMEA-nın Əməkdar elm xadimi Qəzənfər Paşayev, Xəzər Universitetinin rektoru Raziyə İsayeva və Şirvan-Salyan Regional Mədəniyyət İdarəsinin rəisi Araz Əlizadə çıxış edərək, qloballaşma dövründə milli dilin qorunmasının strateji əhəmiyyətini vurğulayıblar.



Ulusum.az / Qəşəm Məmmədov