Bu gün, 14:00 0 Ulusum Tv

“Boş Yer” – Tələbələrdən ibarət yaradıcı heyətlə çəkilmiş ilk bədii film - VİDEO

“Boş Yer” filmi Azərbaycanda bir ilkə imza ataraq tam şəkildə tələbələrdən ibarət yaradıcı heyətlə ərsəyə gətirilmiş bədii film olub

“Boş Yer” – Tələbələrdən ibarət yaradıcı heyətlə çəkilmiş ilk bədii film - VİDEO

Layihənin ideya rəhbəri və rejissoru, Bakı Dövlət Peşəkar Təhsil Mərkəzində media və audio-vizual texnologiyalar üzrə fənn müəllimi olaraq çıxış edən şəxs bildirib ki, filmin operator, prodüser, işıqçı, qrim və rejissor assistenti kimi əsas texniki funksiyaları tələbələrin özləri yerinə yetirib.

Film sıfır büdcə ilə çəkilib və baş rolda valideynlərini itirmiş Azərin hekayəsi üzərindən ailə qayğısından məhrum gənclərin qarşılaşdığı psixoloji və sosial çətinliklər, sevgisizlik və diqqətsizlik kimi problemlər təsvir olunur.

Digər əsas obraz – Mahir isə övladına laqeyd yanaşan bir valideyn kimi təqdim edilir. Bu iki obrazın paralel təqdimatı ilə film cəmiyyətə mühüm mesaj verir:

"Hər kəsin içində bir boş yer var və bu boşluqları sevgi, dəstək və diqqətlə doldurmaq cəmiyyətin borcudur."

Belə bir həqiqət var ki, bu gənclərin həyatında bir boşluq mövcuddur.

Biz bu boşluğu göstərməyə çalışdıq ki, cəmiyyətimizdə hər birimizin ətrafında belə insanlara rast gəlmək mümkündür və bu boşluqları doldurmaq üçün onlara yardım etmək, dəstək olmaq vacibdir.