Göyçay – Nar Bayramı: Milli Dəyərlərin və Zəhmətin Təntənəsi - VİDEO

Göyçayda keçirilən ənənəvi Nar Bayramı bu il də həm yerli sakinlərin, həm də ölkəmizə gələn yerli və xarici turistlərin böyük marağına səbəb oldu

Bu ilki Nar Bayramı bir daha sübut etdi ki, bu tədbir sadəcə kənd təsərrüfatına aid deyil, həm də milli kimliyimizi yaşadan böyük bir mədəniyyət bayramıdır.
Tədbirin əsas diqqət çəkən hissəsi isə nardan hazırlanan məhsullar oldu.



Canlı şəkildə hazırlanıb təqdim edilən nardançalar, təzə çəkilmiş nar şirəsi, nar mürəbbəsi, müxtəlif şirniyyatlar və digər təamlar ziyarətçilərin böyük marağına səbəb oldu.



Nar Bayramı təkcə məhsul bolluğunun deyil, Azərbaycan mədəniyyətinin, qonaqpərvərliyinin və yaradıcılıq ruhunun da təntənəsi kimi yadda qaldı.

Göyçay bu tədbirlə həm ölkənin mədəni həyatına töhfə verdi, həm də regionun turizm potensialını bir daha nümayiş etdirdi.



Qeyd etmək lazımdır ki, noyabr ayı ümumilikdə Azərbaycanda bayramlar və əlamətdar günlərlə zəngindir.



- 8 noyabr – Zəfər Günü: Azərbaycan Ordusunun 44 günlük Vətən müharibəsində qazandığı tarixi qələbənin ildönümüdür.
- 9 noyabr – Dövlət Bayrağı Günü: Üçrəngli bayrağımızın qürurla dalğalandığı milli birlik və suverenlik günüdür.
- 10 noyabr – Nar Bayramı: Göyçayda keçirilən ənənəvi və rəngarəng mədəniyyət festivalıdır.
- 12 noyabr – Konstitusiya Günü: Azərbaycan Respublikasının əsas qanununun qəbul edildiyi gündür.




Ulusum.az / R.İkramlı