Ərdoğan zəlzələyə hazırlıq çağırışı etdi

Türkiyə Prezidenti Rəcəb Tayyib Ərdoğan mümkün İstanbul zəlzələsinə qarşı hazırlıq tədbirlərinin gücləndirilməsinə çağırış edib.

“Ulusum”.az xəbər verir ki, onun sözlərinə görə, ölkənin ən böyük şəhəri olan İstanbulda baş verə biləcək güclü zəlzələ riski ciddiyə alınmalıdır.

Ərdoğan zəlzələ təhlükəsinə qarşı şəhərdə infrastrukturun yenilənməsi, təhlükəsizlik tədbirlərinin artırılması və əhalinin təlimatlandırılması üzrə işlərin aparılmasının vacibliyini vurğulayıb.

"Mümkün təbii fəlakətə qarşı hazırlıq bizim borcumuzdur. Bu mövzuda ehtiyatsızlıq qəbul edilməzdir," — deyə Ərdoğan bildirib.

İstanbul, seysmik baxımdan aktiv bölgədə yerləşdiyinə görə tarixi boyunca bir neçə güclü zəlzələyə məruz qalıb. Məqsəd isə belə bir fəlakətin təsirlərini minimuma endirməkdir.

Səidə