Avtonom inqilab: Tesla maşınları müştərinin evinə özü gedəcək

Tesla-nın baş direktoru Elon Musk, çərşənbə axşamı verdiyi açıqlamada uzun zamandır gözlənilən avtonom robotaksi xidmətinin 22 iyun tarixindən etibarən ictimai test sürüşlərinə başlayacağını bildirib.

Musk, Tesla-nın gələcəyini avtonom nəqliyyata bağladığını deyib və daha ucuz elektrikli avtomobil istehsalı planlarından imtina edərək diqqətini bu sahəyə yönəldib.

Şirkətin bazar dəyərinin böyük hissəsi də məhz bu vizyona əsaslanır. Lakin avtonom nəqliyyat vasitələrinin ticariləşdirilməsi təhlükəsizlik narahatlıqları, sərt tənzimləmələr və artmaqda olan investisiya xərcləri səbəbindən çətin bir proses olaraq qalır. Musk-ın bu sahədəki planlarına bir çox insan şübhə ilə yanaşır.

Musk X platformasında bildirib:

“Təhlükəsizlik məsələsində son dərəcə paranoyaq edirik, buna görə tarix dəyişə bilər.”

Tesla bu xidməti ilkin olaraq Texasın Austin şəhərində istifadəyə verəcək.

Musk həmçinin əlavə edib ki, 28 iyundan etibarən, Tesla avtomobilləri zavod istehsal xəttindən çıxan kimi özü sürərək müştərinin evinə gedəcək.

Ulusum.az