Parisdə yaşayan 91 yaşlı meteoroloq, Thiberville qəsəbəsinə 10 milyon avroluq sərvətini miras buraxıb

Parisdə yaşayan 91 yaşlı meteoroloq Roger Thiberville, qeyri-adi bir qərarla adını daşıyan və ömrü boyu heç vaxt ziyarət etmədiyi Normandiyanın Thiberville qəsəbəsinə 10 milyon avroluq sərvətini miras buraxıb.

Ailə qurmamış və yaxın qohumu olmayan Roger Thiberville, bu böyük mirasını soyadını aldığı qəsəbəyə bağışlamağı seçib. Bu jest həm qəsəbə sakinləri, həm də yerli rəhbərlik tərəfindən böyük heyrətlə qarşılanıb. Qəsəbənin bələdiyyə başçısı, sakinlərin bu xeyirxah addıma görə həm məmnun, həm də təəccüblü olduqlarını bildirib.

Bu böyük məbləğin qəsəbənin inkişafına, ictimai layihələrə və sakinlərin rifahına töhfə verməsi gözlənilir.


Səidə Mustafa