Zehni İş Həqiqətən Kalori Yandırırmı? — Miflər və Reallıq

Mövcud bir fikirə görə, insan zehni fəaliyyətlə məşğul olanda çoxlu kalori sərf edir. Amma bu, həqiqətən belədirmi?

Zehni fəaliyyət zamanı insan bədəni müəyyən qədər enerji sərf etsə də, bu, fiziki fəaliyyətlə müqayisədə olduqca azdır. Beyin istirahət halında belə gündəlik enerji sərfiyyatının təxminən 20%-ni təşkil edir. Bu o deməkdir ki, beynin fəaliyyəti enerji tələb edir, lakin zehni iş zamanı bu sərfiyyat ciddi şəkildə artmır.

Məsələn, intensiv düşüncə və ya dərslə məşğul olarkən enerji sərfiyyatında müəyyən artım müşahidə oluna bilər, lakin bu artım çox cüzi olur – təxminən 20-50 kalori əlavə, bir neçə saatlıq düşüncə fəaliyyəti üçün. Bu isə bir dilim çörəyə bərabərdir.

Daha da vacibi, zehni yorğunluq insanın iştahını artıra bilər və bu zaman insanlar daha çox yeməyə meyilli olur. Bu, bəzən yanlış olaraq zehni işin çox kalori yandırması ilə qarışdırılır. Əslində isə bu daha çox psixoloji və davranış faktorları ilə bağlıdır.

Ulusum.az