Rusiyalı qadın 11 aylıq körpəni amansızcasına döyüb

Omsk vilayətinin Kormilov rayonunun 19 yaşlı sakini məhkəmə qərarı ilə istintaq təcridxanasına yerləşdirilib. Qadın öz azyaşlı övladına qəsdən ağır bədən xəsarətləri yetirməkdə ittiham olunur.

“Ulusum”.az xəbər verir ki, bu barədə Omsk vilayəti məhkəmələrinin mətbuat xidməti məlumat yayıb.

İstintaqın versiyasına görə, hadisə 12 yanvar 2025-ci il tarixində baş verib. Əvvəllər mülkiyyətə qarşı cinayətlərə görə məhkum edilmiş gənc ana 11 aylıq oğlunu xüsusi amansızlıqla döyüb.

Qadın haqqında iki aylıq həbs qətimkan tədbiri seçilib. Onu on ilə qədər azadlıqdan məhrumetmə cəzası gözləyir.

Bundan əvvəl hüquq-mühafizə orqanlarının diqqətinə 39 yaşlı Nijni Novqorod sakini düşmüşdü. O, arabada olan körpəni bir neçə dəfə vurmuşdu. Hadisə yoldan keçənlər tərəfindən çəkilib. Videonun sosial şəbəkələrdə yayılmasından sonra polis araşdırmaya başlayıb.

Səidə Mustafa