Kürdə batan gəncin cansız bədəni bu gün tapılaraq sudan çıxarılıb - VİDEO

İki gün əvvəl Kür çayının Neftçala rayonu, Bankə qəsəbəsi ərazisindən keçən hissəsində çimərkən batan 25 yaşlı Babayev Rəhim Qurban oğlunun cansız bədəni bu gün tapılaraq sudan çıxarılıb. Qeyd edək ki, axtarışları FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri aparırdı. Sudan çıxarılan şəxsin meyidi qanuni prossedurlara uyğun olaraq müvafiq orqanlara təhvil verilib. Yaxınları onun yaxşı üzgüçü olduğundan suda boğulma ehtimalı ilk vaxtlarda qəbul etmirdilər. Sonradan isə çay sahilində olan restoranın video kamera yaddaşı yoxlanıldıqda Rəhimin suda üzməsu, onun çayın dərinliklərinə baş vurduğu kadrları əldə edildi.
Mərhum doğulduğu Bankə qəsəbəsində dəfn edilib. Qeyd edək ki, Babayevlər ailəsində iki övlad var idi.

Eltun Məmmədov