Kür çayında batan şəxsin axtarışları davam etdirilir - VİDEO

Bu gün Kür çayının Neftçala rayonu, Bankə qəsəbəsi ərazisindən keçən hissəsində batan şəxsin axtarışları davam etdirilir. FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə barədə məlumat aldıqdan sonra şəxsin batdığı ərazi sularında axtarışları intensiv surətdə aparmaqdadır. Batan şəxs isə qəsəbə sakini 25 yaşlı Babayev Rəhim Qurban oğludur. Yaxınlarının dediyinə görə Rəhim idmanla məşğul olurmuş və tez-tez Kürdə üzməyə gedirmiş. Hətta o, uzaq məsafələrrə üzməklə də qəsəbə sakinləri arasında bilinirmiş. Elə batan şəxsin atası da Qurban Babayev də oğlunun Kürdə bata biləcəyini heç vaxt güman etmədiyini bildirərək son ümidlə axtarışların nəticəsini gözlədiyini söylədi.
Qeyd edək ki, bədbəxt hadisə ilə üzləşən Babayevlər ailədə bir bacı-bir qardaş olaraq iki övlad olub.

Eltun Məmmədov