12 avqust – gənclərin səsi, enerjisi və gələcəyin ümididir

12 avqust – Beynəlxalq Gənclər Günü hər il dünyanın bir çox ölkəsində qeyd olunur

Bu günün əsas məqsədi gənclərin cəmiyyətdəki rolunu vurğulamaq, onların ideyalarını, yaradıcılığını və potensialını dəstəkləməkdir. BMT tərəfindən 1999-cu ildə təsis edilən bu gün, gənclərin sosial, mədəni, iqtisadi və siyasi həyatda fəal iştirakına diqqət çəkmək üçün mühüm platforma hesab olunur.

Hər il Beynəlxalq Gənclər Günü müəyyən bir mövzu ilə keçirilir. Bu mövzular gənclərin problemlərini işıqlandırır – təhsil, məşğulluq, ətraf mühitin qorunması, sağlam həyat tərzi, sosial bərabərlik və s.

Bu gün münasibətilə dünyanın müxtəlif yerlərində tədbirlər, konfranslar, təlimlər və sosial aksiyalar təşkil olunur. Azərbaycanda da gənclərin təşəbbüslərinə dəstək verən layihələr, gənclər təşkilatlarının fəaliyyəti və dövlət proqramları bu günün əhəmiyyətini artırır.

Ulusum.az