Tovuzda Kürdə batanlardan biri tapıldı VİDEO -YENİLƏNDİ

Tovuzda avtomobillə Kür çayına düşən dostlardan birinin meyiti tapılıb. Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin və Fövqəladə Hallar Nazirliyinin Xüsusi Riskli xilasetmə xidmətinin əməkdaşlarının apardıqları axtarışlar nəticəsində meyitin biri Kür çayının Tovuz rayonunun Əyyublu kəndi ərizəsindən keçən hissəsində aşkarlanıb.

Ulusum.az-ın Qərb Bürosunun əldə etdiyi məlumata əsasən, meyit şişərək suyun üzərinə çıxıb. Lakin tapılan meyitin dostlardan hansına məxsus olması müəyyən edilə bilməyib. Meyit müayinə olunmaq və şəxsiyyətinin müəyyən olunması üçün Məhkəmə Tibbi Ekspertizasının Potoloji anatomiya birliyinin Tovuz rayon şöbəsinə təhvil verilib. Məlumat üçün bildirək ki, iyun ayının üçündə Kür çayının sahilində istirah etmək istəyən dörd dost VAZ 21 07 markalı avtomobilin sürücüsü rayonun Bayramlı kənd sakini 35 yaşlı Tural Quliyev ,onunla birlikdə nəqliyyat vasitəsində olan dostları Abulbəyli kənd sakini 33 yaşlı Vüqar Cəfərov, 36 yaşlı Abulbəyli kənd sakini Elxan Sadıqov və Abulbəyli kənd sakini 32 yaşlı Turqut İbrahimov da olub. Sonuncu özünü xilas edə bilsə də digərləri nəqliyyat vasitəsilə birlikdə çaya düşüblər. Faktla bağlı Tovuz rayon prokurorluğunda araşdırma aparılır.
Ulusum.az
Qərb Bürosu.